-
Rusfri 16. mai natt 2026
No er det snart klart for årets store rusfrie happening🤩 Bli med på kjekke konkurransar og lotteri med trekning av flotte premiar🎤🎶🤞 Vi er overbevist om at det blir ein kjekk kveld med god mat og mykje action🌮🥗🌯
Sterk og stødig
Sterk og Stødig er igang igjen! Dette er trimgrupper for seniorar. Treningsprogrammet gir allsidig trening og har spesielt fokus på fallførebygging. Treningane er opne og du kan møte opp utan å melde deg på på førehand. Både dei som har delteke før og nye deltakarar er hjartleg velkomne!"Sterk og stødig" er forebyggande treningsgrupper for seniorar. Gruppetreningane er basert på fleire internasjonale studier som har undersøkt effekten av balanse- og styrketreningsprogram for seniorar med risiko for fall og funksjonssvikt. Målgruppa er heimebuande seniorar som kan gå utan hjelpemiddel innandørs.
Treningsgruppene er etablert i eit samarbeid mellom idrettslaga Fjellhug Vereide, Brodd, Frisklivssentralen og Frivilligsentralen. Alle instruktørane har vore gjennom instruktøropplæring.
Treningane foregår
Runnevang måndagar kl 17. Oppstart 27.september.
Nordstranda skule torsdagar kl 16.30. Oppstart 9. september.
Kantina på omsorgssenteret fredagar kl 10-11. Her må du kontakte fysioterapeut for å avklare deltaking.
Treng du skyss kan du kontakte frivilligsentralen på tlf. 92120505.
Det gjeld enno smittevernsreglar og alle som deltek må følgje desse:
- det kan maks vere 30 deltakarar på kvar trening. Alle deltakarane vert registrerte (blir oppbevara i 14 dagar)
- det skal vere ein meter mellom kvar deltakar
- deltakarane skal vaske seg/sprite seg på hendene før og etter trening
- dei som har vore på reise i område med mykje smitte skal vente i ti dagar før dei deltek på gruppetilbod
- dei som skal delta på trening må vere friske
- det kan kome endringar ved lokale smitteutbrot
Del på:
Flere nyheter
-
Kartlegging av frivillige lag i Gloppen – utvida frist
Vi vil gjerne takke alle frivillige som stilte opp på frivilligkveldane i Hyen 16. april, Breim 23. april og på Sandane 27. april! Både gjennom frivilligkveldane og kartlegginga av frivillige lag i Gloppen har vi fått inn mange gode innspel til kommunedelplan for frivilligheit. Vi har fått innblikk i dykkar arbeid, behov og ønsker, og har delteke i gode diskusjonar om viktige tema. Vi set stor pris på at de tek dykk tid til å delta.
-
Bli med på folkehelseundersøkinga i Vestland!
16. april 2026 får mange innbyggjarar i Vestland invitasjon til å delta i folkehelseundersøkinga. Førre gong dette skjedde var i 2022. Då hadde Gloppen veldig god svarprosent, og vi fekk informasjon som vi har hatt god nytte av. Vi håper derfor at like mange svarar denne gongen: Dess fleire som svarar, dess meir nytte har vi av undersøkinga her i Gloppen!
-
Landsbylaurdagar i 2026
Landsbylaurdag er ein møteplass der lag- og organisasjonar kan vise fram sin aktivitet, og bidra til å skape liv og røre på Heradsplassen og Fjordlandsbyen. Målet er at Landsbylaurdag arrangementa skal vere noko som ulike lag og organisasjonar skapar og arrangerer i lag. Vi oppmodar lag- og organisasjonar om å melde seg på og bruke denne møteplassen aktivt!
-
Oppvekstplan 2026-2036 på høyring
Helse- og oppvekstutvalet vedtok 4. mars å legge oppvekstplanen ut på høyring.