-
Rusfri 16. mai natt 2026
No er det snart klart for årets store rusfrie happening🤩 Bli med på kjekke konkurransar og lotteri med trekning av flotte premiar🎤🎶🤞 Vi er overbevist om at det blir ein kjekk kveld med god mat og mykje action🌮🥗🌯
Felles julekveldsfeiring!
Takk til alle som kom, og til alle som laga til!I år feira over 30 personar julekvelden i Trivselshagen. Her var både små og store, og fleire land representert. Det blei ein triveleg kveld med god julemat, flott pynta lokale, julestemning, sang, god prat og gåver.
Vi ønskjer å takke både frivillige og næringsliv som gjorde denne flotte feiringa mogleg:
Frivillige har pynta, laga mat, servert og rydda. Vi fekk julegåver frå Nepalteppe, Europris og julestrømper og gåver frå ein venninnegjeng. Tystad Blomster ga oss juleblomar og flott dekorasjon. Vi kunne dekke opp med kvite dukar frå Movia. Mat og drikke fekk vi frå Gloppen Hotell, Bakar Jon, Coop Prix Byrkjelo og Coop Extra Sandane og Gardsbrenneriet. Takk til Firda Tidend for flott annonse. Vi har fått økonomisk støtte til arrangementet frå Gloppen Helselag og Norsk Tipping. Håvard Husevåg underheldt og ordførar Leidulf fekk vere julenisse! Arrangørane vil også takke Gloppen kommune for god hjelp i gjennomføringa og for lokale.
Alt i alt ein særs vellykka kveld! Takk til alle - både for oppmøte og innsatsen!
Med helsing arrangørane Gloppen Røde Kors, Coop Extra Sandane og Gloppen Frivilligsentral.
Del på:
Flere nyheter
-
Kartlegging av frivillige lag i Gloppen – utvida frist
Vi vil gjerne takke alle frivillige som stilte opp på frivilligkveldane i Hyen 16. april, Breim 23. april og på Sandane 27. april! Både gjennom frivilligkveldane og kartlegginga av frivillige lag i Gloppen har vi fått inn mange gode innspel til kommunedelplan for frivilligheit. Vi har fått innblikk i dykkar arbeid, behov og ønsker, og har delteke i gode diskusjonar om viktige tema. Vi set stor pris på at de tek dykk tid til å delta.
-
Bli med på folkehelseundersøkinga i Vestland!
16. april 2026 får mange innbyggjarar i Vestland invitasjon til å delta i folkehelseundersøkinga. Førre gong dette skjedde var i 2022. Då hadde Gloppen veldig god svarprosent, og vi fekk informasjon som vi har hatt god nytte av. Vi håper derfor at like mange svarar denne gongen: Dess fleire som svarar, dess meir nytte har vi av undersøkinga her i Gloppen!
-
Landsbylaurdagar i 2026
Landsbylaurdag er ein møteplass der lag- og organisasjonar kan vise fram sin aktivitet, og bidra til å skape liv og røre på Heradsplassen og Fjordlandsbyen. Målet er at Landsbylaurdag arrangementa skal vere noko som ulike lag og organisasjonar skapar og arrangerer i lag. Vi oppmodar lag- og organisasjonar om å melde seg på og bruke denne møteplassen aktivt!
-
Oppvekstplan 2026-2036 på høyring
Helse- og oppvekstutvalet vedtok 4. mars å legge oppvekstplanen ut på høyring.