-
Rusfri 16 mai natt
Vi er godt igong med planlegging av årets arrangement. Eg har fått med meg en gjeng flotte og kreative ungdommar i tillegg til dei vanlig medarrangørane mine. Vi er et godt team så dette blir nok eit kanon arrangement!!!! Følg med for oppdateringar:-)
Prosjekt inkludering av barn og unge
Våren 2021 søkte Gloppen Frivilligsentral, og fekk innvilga, prosjektmidlar frå Helsedirektoratet gjennom tilskotsordninga «Mobilisering mot ensomhet». Bakgrunnen for søknaden var ynskje om eit betre fritidstilbod for barn og unge med nedsett funksjonsevne i Gloppen. Prosjektet er vel gjennomført og det har munna ut i fleire nye tilbod.Fyrste delmål i prosjektet var tiltaket Aktiv i basseng, eit symje/badetilbod til barn og unge med nedsett funksjonsevne. Dette har vore vellykka og er vidareført etter at prosjektet vart avslutta. Ein har utvida tilbodet med å inkludere også barn og unge som har utfordringar sosialt. Denne gruppa har faste timar ein gong i veka i symjehallen. Ein har også komt i gang med eit liknande gruppetilbod innan gaming for barn og unge som ikkje finn seg til rette i andre tilbod.
Det andre delmålet var å utvikle støttekontaktordninga i Gloppen i tråd med nasjonale råd og rettleiingar. Helsedirektoratet legg opp til at støttekontaktordninga kan organiserast på tre måtar; individuell støttekontakt, deltaking i en aktivitetsgruppe og et individuelt tilbod i samarbeid med en frivillig organisasjon. Støttekontaktordninga omfattar personar i alle aldrar. Gjennom erfaringane vi har gjort oss i Aktiv fritid, og no gamingtilbodet, har Gloppen kommune no utvida støttekontaktordninga med eit tiltak som vert kalla Aktiv fritid.
Aktiv fritid er eit samarbeid mellom kulturavdelinga og helse- og velferd, og tanken bak er at ein nyttar avgrensa kommunale ressursar på ein betre måte. Aktiv Fritid er tenkt å jobbe som koordinator og tilretteleggjar for personar som henvender seg til kommunen. Dette kan vere personar som synest det er vanskeleg å finne ein fritidsaktivitet som passar, og som av ulike årsaker har utfordringar som hindrar dei i å delta i fritidsaktivitetar. Ved enkelthenvendingar vil ein forsøke å rettleie personen til å finne ein fritidsaktivitet eller ta kontakt med ein lag/organisasjon som kan vere aktuell. Vi vil også kunne vurdere om støttekontaktordninga kan bruke ressursar for at fleire kan komme i aktivitet i eit gruppetilbod. Aktiv Fritid vil ikkje kunne bestemme om nokon skal få individuell støttekontakt, då dette er vedtak som vert tildelt som ei helseteneste.
Del på:
-
Grasrotandelen – Litt støtte blir til mykje!!!
Heile overskotet til Norsk Tipping går til samfunnsnyttige formål. Visste du at du som er Norsk Tipping-kunde kan være med og bestemme kva deler av overskotet skal gå til? Det kan du gjennom Grasrotandelen.
-
Open Hall 24. mars!!!
Vi knallar til med ny Open Hall i påska!!! Både Maria, May-Britt og eg var i sving under Open Hall forrige gong. I tillegg hadde vi med oss 2 turninstruktørar, 3 frå crewet på "Subben" og 4 frivillige i klatreveggen. Når det kjem så mykje folk er vi HEILT avhengige av hjelp frå frivillige!!! Vi har fortsatt plass til fleire hjelparar!!!
-
Den internasjonale kvinnedagen
Vi feirer den internasjonale kvinnedagen; 8. mars på Nordfjord Folkemuseum. Godt program med dugande kvinner, mat og prat! Velkomen!!!
-
Open Hall
Open Hall 4. februar vart ein suksess!!! Vi har planar om å arrangere Open Hall 11 gongar til. Kan du bidra? Det kan vere enkle oppgåver som å rigge til og rydde i hallen eller organisere kø til aktivitetane. Har du brattkort eller sikringskurs? Idèar til aktivitetar eller andre ferdigheiter som kan kome til nytte i Open Hall?