-
Aktivitetsvenn
Som frivillig aktivitetsvenn blir du kobla med ein person med demens som har same interesse som deg. De kan gå tur, spele spel, fiske, måle, gå på kino og delta på kulturarrangement - eller møtest for ein kopp kaffi og ein prat. Målet er at den tida de er saman, skal vere til glede for begge!
Torsdagstreffet
Dagaktivitetstilbod for personar med demens kvar torsdag kl 11 - 14.Dette er ein møteplass der ein søkjer kommunen om å delta.
Sjå heimeside: https://gloppen.kommune.no/tenester/helse-og-velferd/psykisk-helse/dagaktivitetstilbod-demens/
Ei gruppe på inntil seks deltakarar møtest saman med ein fagansvarleg og 1-2 frivillige i trivelege lokale på Aktivitetssenteret vis-à-vis arbeidskyrkja. Deltakarane blir henta og køyrde heim av fagansvarleg.
Vi startar med frukt, drikke og triveleg prat rundt stovebordet og held fram med ulike aktivitetar. Desse vert tilpassa årstidene og kva du som deltakar meistrar og har interesse av. Stunda blir avslutta med felles middag og kaffi før deltakarane blir køyrde heim.
Døme på aktivitetar:
- Turgåing
- Formingsaktivitetar
- Trim
- Song
- Avislesing
- Borddekking
- Drivhus
- Utflukt
Fagleg ansvarleg er ergoterapeut Tone Ommedal.
Del på:
Flere aktiviteter
-
Besøksven/turven
Ein besøksven møter menneske som bur heime eller på institusjon og som har meldt at dei ønskjer nokon som besøkjer dei fast. Aktiviteten dei gjer saman kan vere å gå ein tur saman, spele spel, drikke kaffi, lese avisa eller prate og le saman!
-
Demenskor
Har du, eller kjenner du nokon med kognitiv svikt som er glad i å synge? Kontakt Gloppen Frivilligsentral for meir info eller påmelding.
-
Fredag på Myra
Dagaktivitetstilbod til heimebuande med demens. Eit tilbod til dei som likar seg ute heile året og som greier å gå litt i terrenget. Ei gruppe på inntil seks deltakarar møtest saman med ein fagansvarleg. På Myra er det toalett og grillhytte, og i Servicebygget er det alltid varmt dersom det blir for kaldt ute. Av og til sommartid tek vi turar/utflukter til støylar og dalar.
-
Følgeteneste
Treng du følgje til sjukehus, lege, tannlege o.l? Ta kontakt med oss så kan vi prøve å hjelpe!