-
Aktivitetsvenn
Som frivillig aktivitetsvenn blir du kobla med ein person med demens som har same interesse som deg. De kan gå tur, spele spel, fiske, måle, gå på kino og delta på kulturarrangement - eller møtest for ein kopp kaffi og ein prat. Målet er at den tida de er saman, skal vere til glede for begge!
Fredag på Myra
Dagaktivitetstilbod til heimebuande med demens. Eit tilbod til dei som likar seg ute heile året og som greier å gå litt i terrenget. Ei gruppe på inntil seks deltakarar møtest saman med ein fagansvarleg. På Myra er det toalett og grillhytte, og i Servicebygget er det alltid varmt dersom det blir for kaldt ute. Av og til sommartid tek vi turar/utflukter til støylar og dalar.Dette er ein møteplass der ein søkjer kommunen om å delta.
Sjå Gloppen Kommune si heimeside for meir informasjon om påmelding og pris:
https://gloppen.kommune.no/tenester/helse-og-velferd/psykisk-helse/dagaktivitetstilbod-demens/
Klokka 10.45 møtast vi på parkeringsplassen ved kunstgrasbana/Myklebustlflata.
Derifrå går vil til servicebygget på Myra og har friluftsliv/uteliv der.
Eksempel på aktiviteter:
- fyre opp bål i grillhytta, koke kaffi mm
- sitje rundt bålet eller i sola
- synge
- gå tur i nærområdet
- spele kubb /Boccia
- klippe busker, sage ved eller anna
Den siste timen, frå kl 13-14, går vi til Aktivitetssenteret, der det blir servert middag.
Foto: Svein Hjelmeset
Del på:
Flere aktiviteter
-
Besøksven/turven
Ein besøksven møter menneske som bur heime eller på institusjon og som har meldt at dei ønskjer nokon som besøkjer dei fast. Aktiviteten dei gjer saman kan vere å gå ein tur saman, spele spel, drikke kaffi, lese avisa eller prate og le saman!
-
Demenskor
Har du, eller kjenner du nokon med kognitiv svikt som er glad i å synge? Kontakt Gloppen Frivilligsentral for meir info eller påmelding.
-
Følgeteneste
Treng du følgje til sjukehus, lege, tannlege o.l? Ta kontakt med oss så kan vi prøve å hjelpe!
-
Hjelp med mobil, nettbrett og datamaskin
Gloppen Frivilligsentral samarbeider med seniornett om opplæring for å heve datakompetansen blant folk flest. Vi har alt frå data/mobilhjelp på Gloppen Folkebibliotek ein dag i veka til ein til ein undervisning og meir jamnlege kurs i grupper.