-
Aktivitetsvenn
Som frivillig aktivitetsvenn blir du kobla med ein person med demens som har same interesse som deg. De kan gå tur, spele spel, fiske, måle, gå på kino og delta på kulturarrangement - eller møtest for ein kopp kaffi og ein prat. Målet er at den tida de er saman, skal vere til glede for begge!
Open Hall
Har du lyst å kome deg ut av huset men det er surt og kaldt ute? Har du lyst å boltre deg og leike, henge med vennar eller familie men har det litt trangt heime? Lyst å treffe nye folk? Nytt tilbod i samarbeid med Trivselshagen Bad og Idrett!Aldersgruppe: For alle
Kva er Open Hall?
Open hall er eit samarbeidsprosjekt mellom Gloppen Frivilligsentral og Gloppen Kommune. Ein søndag i månaden opnar vi opp for at alle som vil kan kome til Trivselshagen bad og idrett, og vere i aktivitet heilt gratis kl. 12-15. Målet med Open Hall er å skape ein møteplass der ein kan kome saman, vere aktive og sosiale i lag med kvarandre. Hovudfokuset ligg på eigenorganisert aktivitet der ein sjølv står ansvarleg for aktivisering innanfor dei rammene vi har. Under nokre open hall arrangement kan det hende det dukkar opp tilbod om organiserte aktivitetar, der ein instruktør/frivillig står i spissen for å vise fram/lære andre om sin aktivitet. Trivselsbadet er dessverre ikkje ein del av open hall.
Lyst å hjelpe?
Det kan vere enkle oppgåver som å rigge til og rydde i hallen eller organisere kø til aktivitetane. Har du brattkort eller sikringskurs? Idèar til aktivitetar eller andre ferdigheiter som kan kome til nytte i Open Hall?
Vi set pris på alle bidrag!
Ta kontakt med Gloppen Frivilligsentral Tlf: 921 20 505 eller send ein epost til post@gloppen.frivilligsentral.no
Del på:
Flere aktiviteter
-
Besøksven/turven
Ein besøksven møter menneske som bur heime eller på institusjon og som har meldt at dei ønskjer nokon som besøkjer dei fast. Aktiviteten dei gjer saman kan vere å gå ein tur saman, spele spel, drikke kaffi, lese avisa eller prate og le saman!
-
Demenskor
Har du, eller kjenner du nokon med kognitiv svikt som er glad i å synge? Kontakt Gloppen Frivilligsentral for meir info eller påmelding.
-
Fredag på Myra
Dagaktivitetstilbod til heimebuande med demens. Eit tilbod til dei som likar seg ute heile året og som greier å gå litt i terrenget. Ei gruppe på inntil seks deltakarar møtest saman med ein fagansvarleg. På Myra er det toalett og grillhytte, og i Servicebygget er det alltid varmt dersom det blir for kaldt ute. Av og til sommartid tek vi turar/utflukter til støylar og dalar.
-
Følgeteneste
Treng du følgje til sjukehus, lege, tannlege o.l? Ta kontakt med oss så kan vi prøve å hjelpe!