-
Aktivitetsvenn
Som frivillig aktivitetsvenn blir du kobla med ein person med demens som har same interesse som deg. De kan gå tur, spele spel, fiske, måle, gå på kino og delta på kulturarrangement - eller møtest for ein kopp kaffi og ein prat. Målet er at den tida de er saman, skal vere til glede for begge!
Besøksven/turven
Ein besøksven møter menneske som bur heime eller på institusjon og som har meldt at dei ønskjer nokon som besøkjer dei fast. Aktiviteten dei gjer saman kan vere å gå ein tur saman, spele spel, drikke kaffi, lese avisa eller prate og le saman!Aldersgruppe: For alle
Vi ønskjer fleire besøksvener i alle aldrar, både kvinner og menn. Det kan vere ulike grunnar til ønskje om besøksven, men felles er ønskje om å vere saman med nokon. Alle treng vi nokon å snakke med og nokon som bryr seg.
Mange besøksvener fortel at dette er gjevande og meiningsfylt. Det å kome heim til nokon, bli kjende og gjere ein aktivitet som høver begge partar.
Dei som blir besøksvener avgjer kor ofte dei vil gjere avtale om besøk. Det kan vere ein gang i veka, men for nokon kan det vere oftare eller sjeldnare. Er det periodar det ikkje høver, så kan dette meldast til frivilligsentralen. Besøksvener har teieplikt.
Del på:
Flere aktiviteter
-
Demenskor
Har du, eller kjenner du nokon med kognitiv svikt som er glad i å synge? Kontakt Gloppen Frivilligsentral for meir info eller påmelding.
-
Fredag på Myra
Dagaktivitetstilbod til heimebuande med demens. Eit tilbod til dei som likar seg ute heile året og som greier å gå litt i terrenget. Ei gruppe på inntil seks deltakarar møtest saman med ein fagansvarleg. På Myra er det toalett og grillhytte, og i Servicebygget er det alltid varmt dersom det blir for kaldt ute. Av og til sommartid tek vi turar/utflukter til støylar og dalar.
-
Følgeteneste
Treng du følgje til sjukehus, lege, tannlege o.l? Ta kontakt med oss så kan vi prøve å hjelpe!
-
Hjelp med mobil, nettbrett og datamaskin
Gloppen Frivilligsentral samarbeider med seniornett om opplæring for å heve datakompetansen blant folk flest. Vi har alt frå data/mobilhjelp på Gloppen Folkebibliotek ein dag i veka til ein til ein undervisning og meir jamnlege kurs i grupper.