-
Aktivitetsvenn
Som frivillig aktivitetsvenn blir du kobla med ein person med demens som har same interesse som deg. De kan gå tur, spele spel, fiske, måle, gå på kino og delta på kulturarrangement - eller møtest for ein kopp kaffi og ein prat. Målet er at den tida de er saman, skal vere til glede for begge!
Demenskor
Har du, eller kjenner du nokon med kognitiv svikt som er glad i å synge? Kontakt Gloppen Frivilligsentral for meir info eller påmelding.Aldersgruppe: For alle
Demenskoret har fått ei fantastisk mottaking og bidreg til auka openheit og forståing for personer med demens og deira pårørende. Musikk og samspel med andre kan ha positiv effekt på kognitive utfrodringar, og kan føre til oppleving av glede og verdifulle augeblikk av meistring. Evna til å synge og hugse melodiar beheld dei fleste med demens. Forskning viser at song og musikk har ein positiv effekt på symptom og livskvalitet hjå personar med demens.
Gloppen Demenskor er eit lavterskeltilbod for personar med kognitiv svikt. Koret vart starta som eit prøveprosjekt og vi hadde hadde første korøving 11. april. Vi var usikre på kor mange koristar vi ville få med oss og hadde i utgangspunktet ikkje pengar å bruke på tilbodet. Tilbodet har blitt svært populært og vi får fortsatt nye koristar og frivillige! Per no tel koret 25 koristar og over 30 frivillige. Dagleg leiar ved Gloppen Frivilligsentral fungerer som koordinator og talsperson for koret. Ingunn Byrkjedal er dirigent og Steinar Engelbrektson er med som tonefølgje. I tillegg har vi godt samarbeid med Gloppen Kommune, som blant anna bidreg med gratis lokale.
Foto: Firda Tidend
Del på:
Flere aktiviteter
-
Besøksven/turven
Ein besøksven møter menneske som bur heime eller på institusjon og som har meldt at dei ønskjer nokon som besøkjer dei fast. Aktiviteten dei gjer saman kan vere å gå ein tur saman, spele spel, drikke kaffi, lese avisa eller prate og le saman!
-
Fredag på Myra
Dagaktivitetstilbod til heimebuande med demens. Eit tilbod til dei som likar seg ute heile året og som greier å gå litt i terrenget. Ei gruppe på inntil seks deltakarar møtest saman med ein fagansvarleg. På Myra er det toalett og grillhytte, og i Servicebygget er det alltid varmt dersom det blir for kaldt ute. Av og til sommartid tek vi turar/utflukter til støylar og dalar.
-
Følgeteneste
Treng du følgje til sjukehus, lege, tannlege o.l? Ta kontakt med oss så kan vi prøve å hjelpe!
-
Hjelp med mobil, nettbrett og datamaskin
Gloppen Frivilligsentral samarbeider med seniornett om opplæring for å heve datakompetansen blant folk flest. Vi har alt frå data/mobilhjelp på Gloppen Folkebibliotek ein dag i veka til ein til ein undervisning og meir jamnlege kurs i grupper.